Касбий кўникмаларни шакллантиришда замонавий таълим технологиялари

2019 йил 19 сентябрь куни Ўзбекистон Республикаси Бош прокуратураси Академиясида Жаҳон иқтисодиёти ва дипломатия университети талабалари учун “Жиноят процессуал ҳуқуқи” фани доирасида ўқув машғулотлари ўказилди.

“Исбот қилишнинг умумий шартлари”, “Далилларни тўплаш усуллари” “Кўздан кечириш тергов ҳаракатини тайинлаш ва ўтказиш тартиби” мавзуларидаги ўқув машғулотлари Академиянинг Жиноятчиликка қарши курашиш ва ҳуқуқбузарликлар профилактикаси тўғрисидаги қонунлар ижроси устидан назорат кафедраси профессор-ўқитувчилари томонидан Академиянинг криминалистик хона ва криминалистик полигон имкониятларини қўллаган ҳолда ўтказилди.

Талабалар жиноятларни тергов қилиш жараёнида юзага келадиган масалалар билан танишиш баробарида ўзларини қизиқтирган саволларга жавоб олишди.

Таълим жараёнини ўқитишнинг амалий хусусиятига таянган ҳолда ташкил этиш, бу борада мавжуд илғор хорижий тажрибани қўллаш, шунингдек юридик кадрлар тайёрлайдиган таълим муассасалари билан ҳамкорлик алоқаларини кенгайтириш юртимизда юқори малакали ва рақобатбардош юридик соҳа мутахассисларини етказиб беришга хизмат қилади.