“Қонунчилик ижроси устидан прокурор назорати” мавзусида аралаш ўқитиш асосидаги янги курснинг бошланиши

2019 йил 3 октябрь кунидан Бош прокуратура Академиясида туман (шаҳар) прокурорлари ёрдамчилари учун “Қонунчилик ижроси устидан прокурор назорати” мавзусида “2+2” шаклидаги (72 соат масофавий ўқитиш ва Академияда 72 соат (2 ҳафта) аудитория машғулотлари) комплекс аралаш ўқув курси бошланди.

Малака ошириш курси дастурида ижтимоий, иқтисодий ва бошқа соҳаларда қонунчилик ижроси устидан прокурор назоратини амалий ташкил этишнинг долзарб масалалари бўйича машғулотлар назарда тутилган.

Ўқув курси якунида тингловчилар томонидан амалдаги қонунчиликка киритилган янгиликлар, амалиётда мавжуд тизимли муаммолар ва камчиликлар, уларни ҳал этиш йўллари ҳамда бошқа долзарб масалалар бўйича таҳлилий материаллар тайёрланади.

Ўқув тадбирлари бошланишига тайёргарлик кўриш доирасида тингловчилар учун мазкур курснинг ташкилий масалаларига, масофавий курсни ўташ ва амалий топшириқларни бажариш тартибига бағишланган вебинар ташкил этилди.