“Бўлажак прокурорлар клуби” аъзолари билан учрашув ўтказилди

2019 йил 4 октябрь куни Тошкент давлат юридик университети билан ҳамкорлик тўғрисидаги Меморандум доирасида Бош прокуратуранинг Академияси ва кадрлар бошқармаси ходимлари томонидан университет талабалари билан учрашув ўтказилди.

Учрашувда университет ходимлари, “Бўлажак прокурорлар клуби” аъзолари, прокуратура органларига хизматга қабул қилинган талабалар, шунингдек Бош прокуратура Академияси магистратураси тингловчилари иштирок этди.

Тадбирда талабаларга прокуратура органларида иш ўрганишларини тизимли амалга ошириш мақсадида ташкил этилган “Бўлажак прокурорлар клуби” аъзолигига қабул қилиш тартиби ҳамда унинг афзалликлари ҳақида батафсил маълумот берилди.

Шунингдек, клуб доирасида фаолият юритиб, ҳозирги кунда прокуратура органларида хизмат қилаётган ходимлар ва Бош прокуратура Академияси магистратурасида таҳсил олаётган тингловчилар талабаларга клубда аъзоликнинг ижобий томонлари, клуб назарий билимларнинг амалиёт билан уйғунлигини таъминлашда платформа ролини бажариб келаётганлиги ҳамда “Бўлажак прокурорлар клуби” аъзоси сифатидаги фаолиятнинг истиқболлари ҳақида ўз фикрлари билан бўлишдилар.

Ўз навбатида талабалар клуб фаолиятига қизиқиш билдириб, унинг фаолиятини янада такомиллаштириш бўйича ўз таклифларини бердилар.

Учрашув конструктив мулоқот ва фикрлар алмашинуви руҳида ўтди.