“Юридик инглиз тилини ўрганишда китобхонликнинг аҳамияти” мавзусида семинар ўтказилди

Ўзбекистон Республикаси Бош прокуратураси Академияси ҳамда Тошкент давлат юридик университети ўртасида самарали ҳамкорлик ўрнатилган бўлиб, шу жумладан Академия ва ТДЮУнинг тил ўргатиш кафедралари ўртасида ҳам ҳамкорликдаги тадбирлари ўтказиб келинмоқда.

Мазкур тадбирларнинг давоми сифатида Бош прокуратура Академиясида Тошкент давлат юридик университетининг тил ўргатиш кафедрасининг малакали ўқитувчиси У.П.Ҳайдарова иштирокида “Юридик инглиз тилини ўрганишда китобхонликнинг аҳамияти” мавзусида семинар ташкил қилинди.

Семинарда Академиянинг профессор-ўқитувчилари иштирок этиб, мазкур йўналиш бўйича тегишли билим ва кўникмаларга эга бўлдилар. Шу жумладан, юридик инглиз тилини ўрганишда китобхонликнинг аҳамияти ва юридик терминларни тўғри қўллай олиш кўникмаларини ривожлантириш интерактив машқлар ёрдамида кўрсатиб ўтилди.