Вояга етмаганлар ишлари бўйича идоралараро комиссиялар масъул котиблари учун ўқув машғулотлари ўтказилди

Бош прокуратура Академиясида Қорақалпоғистон Республикаси, вилоятлар, Тошкент шаҳар ва туман (шаҳар) идоралараро комиссияларининг масъул котиблари учун 2019 йил 2 – 8 октябрь кунлари “Вояга етмаганларнинг ҳуқуқлари ва қонуний манфаатларини ҳимоя қилишга оид долзарб масалалар” мавзусидаги ўқув машғулотлари ўтказилди.

Ўқув машғулотлари жараёнида соҳага оид норматив ҳужжатларнинг мазмун ва моҳияти, комиссия ваколатларидан самарали фойдаланиш усуллари, мавжуд муаммолар ва уларни ҳал қилиш воситалари атрофлича ёритилди.

Шунингдек, Республика болалар ижтимоий мослашув маркази ҳамда Халқ таълими вазирлиги ҳузуридаги Ўқувчиларни касб-ҳунарга йўналтириш ва психологик-педагогик республика ташхис марказларида сайёр дарслар ўтказилиб, уларнинг имкониятларидан комиссиялар фаолиятида унумли фойдаланиш масалалари муҳокама қилинди.

Ўқув машғулотлар якунига кўра, тингловчиларга белгиланган тартибда сертификатлар топширилди.