JDS лойиҳаси вакиллари билан учрашув

Жорий йилнинг 10 октябрь куни Бош прокуратура Академиясида Кадрлар тайёрлаш бўйича стипендиялар (JDS) лойиҳаси вакиллари ва Нагоя университетининг Тошкент шаҳридаги ваколатхонаси ходимлари билан Академиянинг профессор-ўқитувчилари ва магистратура тингловчилари ўртасида учрашув бўлиб ўтди.

Учрашув давомида иштирокчиларга JDS лойиҳаси томонидан Японияда магистратурада ўқиш учун стипендия ажратилиши юзасидан эълон қилинган танлов, дастур бўйича ариза бериш тартиби ва ўқитиш шартлари ҳақида маълумот берилди.

Учрашув якунида JDS лойиҳаси вакиллари томонидан мазкур танловда фаол иштирок этиш таклиф қилиниб, ўзаро манфаатли соҳаларда ҳамкорликни мустаҳкамлашга тайёргарлиги билдирилди.