Болалар учун одил судлов масалалари буйича халқаро эксперт ташрифи

Жорий йилнинг 2-11 октябрь кунларида Болалар учун одил судлов масалалари бўйича халқаро эксперт Ингрид ван Вельзенис хоним Академия ва ЮНИСЕФ ўртасидаги ҳамкорлик доирасида қўшма тадбирларда иштирок этиш учун Ўзбекистонга ташриф буюрди.

Экспертнинг ташрифи давомида Академия раҳбарияти билан лойиҳаларни амалга ошириш истиқболлари ва жорий ҳолатларини муҳокама қилиш мақсадида расмий учрашув бўлиб ўтди.

Шунингдек, Тошкент шаҳрининг Чилонзор туманида вояга етмаганларни одил судлов тизимидан чиқариш лойиҳаси бўйича экспертлар гуруҳи учун семинар ташкил этилди, унда тизимдан чиқариш тадбирлари режасини ишлаб чиқиш бўйича билим ва кўникмаларни ошириш, шунингдек экспертлар гуруҳининг иши таҳлил қилинди.

Бундан ташқари, жорий йилнинг 2-8 октябрь кунлари Вазирлар Маҳкамасининг Бирлашган Миллатлар Ташкилотининг Бола ҳуқуқлари тўғрисидаги Конвенцияси қабул қилинганлигининг 30 йиллигини нишонлашга бағишланган қарори билан тасдиқланган тадбирлар дастурига мувофиқ вояга етмаганлар ишлари бўйича идоралараро комиссияларининг масъул котиблари учун бир ҳафталик ўқув курси ташкил этилди. Ушбу курс доирасида 4 октябрь куни “БМТнинг Бола ҳуқуқлари бўйича қўмитасининг Ўзбекистонга берилган якуний тавсиялари” мавзусида давра суҳбати ўтказилди.

Шунингдек, 7-10 октябрь кунлари бўлиб ўтган тадбирлар доирасида Академия профессор-ўқитувчилари учун “Вояга етмаганларнинг одил судлови ва катталарни ўқитишнинг интерфаол усуллари” мавзусида тренерлар учун тренинг ташкил этилди. Тренинг давомида иштирокчилар мутахассис томонидан ишлаб чиқилган ўқув модулларини ўрганиб, Академиянинг ўқув курсларига мослаштириш ва қўллаш бўйича тавсиялар ишлаб чиқдилар.

Бундан ташқари, эксперт иштирокида Академия магистратура талабалари учун халқаро стандартларни жорий этиш ва БМТнинг бола ҳуқуқлари бўйича қўмитасининг Ўзбекистонга берилган якуний тавсияларини бажариш бўйича семинар ўтказилди.