Пенсильвания университети (АҚШ) профессорининг ташрифи

Жорий йилнинг 14 октябрь куни Жаҳон иқтисодиёти ва дипломатия университети билан ҳамкорлик доирасида Пенсильвания университетининг ҳуқуқ мактаби (Penn State Law) профессори Стефен Барнс Бош прокуратура Академиясига ташриф буюрди.

Ташриф давомида Бош прокуратура Академияси раҳбарияти билан учрашув ташкил этилиб, унда таълим ва илмий соҳаларда ҳамкорлик истиқболлари муҳокама қилинди.

Шунингдек, профессор Стефен Барнс Академия магистратураси тингловчилари учун “АҚШ Конституциясига мувофиқ ҳокимиятлар бўлиниши ва ўзаро тийиб туриш ва манфаатлар мувозанати” мавзусида маъруза қилди.

Маъруза давомида АҚШда қонун чиқарувчи, ижро этувчи ва суд ҳокимиятларининг фаолият юритиши масалалари, шунингдек уларнинг ўзаро ҳамкорлик шакллари батафсил ёритилди.