Италия Адлия вазирлиги вакилларининг Бош прокуратура Академиясига ташрифи

Жорий йилнинг 11 октябрь куни Италия Адлия вазирлиги вакилларининг Бош прокуратура Академиясига ташрифи бўлиб ўтди.

Ташриф давомида делегация Бош прокуратура Академиясининг таълим ва илмий соҳадаги фаолиятининг асосий йўналишлари, унинг моддий-техник базаси, амалга оширилаётган ҳуқуқбузарликлар профилактикаси соҳасидаги лойиҳалари билан танишди.

Шунингдек, Академиянинг профессор-ўқитувчилари ва магистратура тингловчилари иштирокида семинар бўлиб этиб, унда иштирокчилар Италиянинг ҳуқуқий тизими, жиноят суд ишларини юритишда халқаро ҳамкорликни ташкил этишнинг амалиёти ва ҳуқуқий асослари, прокуратура ва суд органлари ходимларининг малакасини ошириш тизими билан танишдилар.

Тадбир самарали ва амалий руҳда ўтди ва иштирокчилар ўзларини қизиқтирган барча саволларга жавоб олдилар.