“Давлат тили ҳақида”ги Қонуннинг 30 йиллигига бағишланган тадбир

Жорий йилнинг 21 октябрь куни Бош прокуратура Академиясида ўзбек тилига давлат тили мақоми берилганлигининг 30 йиллигига бағишланган тадбир бўлиб ўтди.

Тадбир Академия тил ўргатиш кафедраси ҳамда Ўзбекистон давлат жаҳон тиллари университети билан ҳамкорликда ташкил этилди. Тадбирда Академия профессор-ўқитувчилари ҳамда магистрантлари фаол иштирок этдилар.

Тадбир давомида Ўзбекистон давлат жаҳон тиллари университети талабаларининг ижодий чиқишлари, ўзбек тили ва адабиёти намуналари (Ўзбекистоннинг буюк ёзувчи ҳамда шоирлари ижодига мансуб асарлар намуналаридан ифодали ўқиш, халқ топишмоқларига бағишланган танлов, эл севган қўшиқлар муаллифлари) ҳамда қатнашувчилар ўртасида интеллектуал беллашув ташкил этилди.