АҚШнинг Вашингтон университети мутаxассиси Бош прокуратура Академияси ўқув жараёнларига жалб қилинди

Академия ташкил этилганидан буён қисқа вақт ичида АҚШнинг  Халқаро Тараққиёт Агентлиги (USAID)нинг Ўзбекистондаги суд-ҳуқуқ ислоҳотлари дастури билан самарали ҳамкорлик йўлга қўйилиб, ўқув жараёнларига чет эллик юқори малакали мутаxассисларни жалб қилиш бўйича ҳамкорликдаги ишлар доимий равишда олиб борилмоқда.

Ушбу соҳада эришилган ютуқларнинг давоми сифатида Вашингтон университети (АҚШ) “Юридик инглиз тили” дастурининг етакчи ўқитувчиси, ушбу соҳада ўқув дастурларини яратиш ва такомиллаштиришда кўп йиллик тажрибага эга бўлган Патрисия Маклаулин иштирокида бир ҳафталик ўқув-семинар ташкил этилди.

Семинарда Академия xодимлари иштирок этиб, инглиз тилидаги юридик терминларни қўллаш соҳасида фойдали билим ва кўникмаларга эга бўлдилар. Шу билан бирга, жорий йилнинг 14-18 октябрь кунлари Академия магистрантлари учун “Юридик инглиз тили” дастури доирасида бир қатор маъруза ва семинарлар ташкил этилди.

Тадбирлар якунида юридик инглиз тилини ўқитиш бўйича бошланғич ва ўрта даражага эга бўлган прокуратура ходимларини ўқитиш бўйича маxсус ўқув қўлланмаларини тайёрлаш ва нашр этиш билан боғлиқ иккита лойиҳани амалга оширишга қаратилган ҳамкорликдаги ташаббус маъқулланди.

Бундан ташқари, келгусидаги ҳамкорлик доирасида ушбу лойиҳани масофадан туриб давом эттиришга келишиб олинди.