Терроризмни молиялаштириш билан боғлиқ жиноятларни тергов қилиш асослари бўйича ўқув курсида иштирок этилди

Бош прокуратура Академияси ходимлари 23-25 октябрь кунлари Тошкент шаҳрида терроризмни молиялаштириш билан боғлиқ жиноятларни фош этиш асослари бўйича ташкил этилган ўқув курсларида иштирок этди.

Мазкур тадбир Ўзбекистон Республикаси ҳуқуқни муҳофаза қилувчи органлар ходимлари учун терроризмни молиялаштиришга қарши курашиш соҳасида миллий инструкторларни тайёрлаш бўйича ЕХҲТ ҳамда БМТнинг Наркотиклар ва жиноятчиликка қарши курашиш бўйича бошқармаси томонидан ташкил этилган ва 2019-2020 йилларда ўтказилиши режалаштирилган курсларнинг иккинчиси ҳисобланади.

Тадбирнинг мақсади – терроризмни молиялаштириш билан боғлиқ жиноятларни тергов қилиш ва шу каби жиноятлар бўйича таҳлилий ишларни амалга ошириш бўйича билим ва кўникмаларни шакллантириш ва ривожлантириш.

Ўқув курси давомида содир этилган жиноятларни тергов қилиш жараёнини босқичма-босқич қисмларга ажратиш билан боғлиқ амалий машғулотлар ўтказилди.

Тадбир якуни бўйича иштирокчиларга сертификатлар берилди, шунингдек, терроризмни молиялаштириш билан боғлиқ жиноятларни тергов қилиш соҳасида ҳуқуқни муҳофаза қилувчи органлар ходимлари малакасини ошириш ишларини давом эттириш бўйича режалар баён этилди.