Юридик психология соҳасида илмий-таълим муассасалари ҳамкорлиги

Ўзбекистон Республикаси Бош прокуратураси Академиясида “Юридик психологиянинг долзарб муаммолари” мавзусида давра суҳбати бўлиб ўтди.

Тадбирда Низомий номидаги Тошкент давлат педагогика университети, М.В.Ломоносов номидаги Москва Давлат университетининг Тошкент шаҳар филиали, Ўзбекистон халқаро Ислом академиясининг психология кафедраси профессор-ўқитувчилари ҳамда Академиянинг прокуратура фаолиятини психологик таъминлаш бўлими ходимлари иштирок этишди.

Давра суҳбатида хуқуқ соҳасидаги ислоҳотларни рўёбга чиқаришда психология фанининг ўрни, ушбу йўналишда психология фанининг замонавий услуб ва технологиялари жорий этилаётгани таъкидлаб ўтилди.

Шунингдек, иштирокчилар Академияда ташкил этилган прокуратура органлари раҳбар кадрларини баҳолашнинг илғор технологияси Ассессмент маркази фаолияти билан таништириб ўтилди.

Давра суҳбати иштирокчилари илмий-таълим муассасалари ўртасида ҳамкорликни янада ривожлантириш бўйича келишиб олишди.