Бош прокуратура Академияси магистратура тингловчилари турли тадбирларда фаол қатнашмоқда

Ўзбекистон Республикаси Бош прокуратураси Академияси магистратураси тингловчилари мамлакатнинг ижтимоий ҳаёти, чет эл ва халқаро тадбирларда фаол иштирок этиб келмоқдалар.

Ўзбекистон ёшлар иттифоқи Марказий Кенгаши томонидан Тошкент вилояти Бўстонлиқ туманидаги “Ёшлар” оромгоҳида жорий йилнинг 4-6 октябрь кунлари ташкил этилган Халқаро спорт саммитида 120 нафар мамлакатимиз ёшлари, шунингдек, Афғонистон, Тожикистон ҳамда Нигерия давлатидан ташриф буюрган халқаро спортсевар делегатлар билан бир қаторда Бош прокуратура Академияси магистратураси тингловчиси Айбек Халмуратов спикер сифатида иштирок этди.

Саммит ишида жисмоний тарбия ва спорт, туризм, бизнес режалар ҳамда спорт журналистикасини ривожлантириш, инновацион ғоялар ва технологияларни жорий этишга алоҳида эътибор қаратилди.