Академия магистратураси тингловчилари иштирокида тренинг ўтказилди

2019 йил 6 ноябрь куни Ўзбекистон Республикаси Бош прокуратураси Академиясида “Ўзбекистон Республикасида кадрлар сиёсати ва давлат фуқаролик хизмати тизимини тубдан такомиллаштириш чора-тадбирлари” мавзусида тренинг бўлиб ўтди.

Машғулотни Жаҳон иқтисодиёти ва дипломатия университетининг илмий ишлар ва инновациялар бўйича проректори, Ўзбекистон Республикаси Марказий сайлов комиссияси аъзоси, Ўзбекистоннинг ёш ва прогрессив раҳбарларининг Топ-35 рўйхатига кирган Гулноза Исмаилова ўтказди.

Тадбирда Бош прокуратура Академияси магистратураси тингловчилари иштирок этди.

Тренингда республикада кадрлар сиёсатини такомиллаштириш, давлат фуқаролик хизматига очиқ мустақил саралаб олиш асосида қабул қилишни жорий этиш, унинг нуфузини ошириш, профессионал тайёрланган самарали кадрлар захирасини шакллантириш ҳамда ходимларни бошқаришда ва инсон ресурсларини ривожлантириш соҳасида замонавий ахборот-коммуникация технологияларини жорий этиш масалалари муҳокама қилинди.