Тошкент шаҳар прокурорининг Академия магистратураси тингловчилари билан учрашуви ўтказилди

2019 йил 13 ноябрь куни Бош прокуратура Академиясида Тошкент шаҳар прокурори Б.Б.Валиевнинг магистратура тингловчилари билан учрашуви бўлиб ўтди.

Тадбирда Академия ходимлари ва Тошкент шаҳар прокуратурасининг тармоқ раҳбарлари иштирок этди.

Тошкент шаҳар прокурори ўз маърузасида бугунги кунда шаҳар прокуратураси органлари олдида турган вазифаларни тўлақонли амалга ошириш ва шаҳар прокуратураси органларини том маънода “халқ прокуратураси”га айлантириш борасида амалга оширилаётган кенг кўламли ишларга тўхталиб ўтди.

Шунингдек, маърузада шаҳар прокуратураси органлари томонидан ўтган қисқа вақт ичида мамлакатнинг ижтимоий-иқтисодий ҳаётида амалга оширилган ишлар, хусусан, муҳтарам Президентимиз томонидан илгари сурилган 5 та ташаббусни амалга ошириш кўламини янада кенгайтириш, аҳоли мурожаатлари билан ишлаш, таълим ва соғлиқни сақлаш соҳаларини янада ривожлантириш, ёшлар билан яқиндан мулоқот ўрнатиш, суд-ҳуқуқ тизимидаги қонунчиликни қўллаш амалиётидаги муаммоларни бартараф этишга алоҳида эътибор қаратилаётганлиги айтиб ўтилди.

Учрашув якунида тингловчилар ўзларини қизиқтирган саволларга жавоб олишди.