Россия Федерацияси Бош ҳарбий прокурори бошчилигидаги делегацияси ташрифи

2019 йилнинг 13 ноябрь куни Россия Федерацияси Бош ҳарбий прокурори В.Г.Петров бошчилигидаги делегацияси Ўзбекистон Республикаси Бош прокуратураси Академиясига ташриф буюрди.

Меҳмонлар Академия фаолиятининг асосий йўналишлари, замонавий ахборот-коммуникация технологиялари ва масофавий таълимни жорий этган ҳолда ўқув жараёнининг ташкил этилиши, шунингдек имитациявий ва амалий машғулотлар ўтказиш учун махсус жиҳозланган ўқув хоналари ва полигонлар имкониятлари билан яқиндан танишдилар.

Томонлар ҳарбий юстиция соҳасидаги кадрларнинг малакасини ошириш имкониятларини кўчайтиришга йўналтирилган ўзаро манфаатли ҳамкорлик муносабатларини ўрнатиш ва кенгайтириш бўйича қатор масалалар муҳокама қилинди.

Хусусан, ҳарбий прокуратура ходимларини қайта тайёрлаш ва малакасини ошириш бўйича Академия ўқув жараёнига махсус ўқув дастурларини ишлаб чиқиш ва тадбиқ этиш масалалари бўйича ҳамкорлик истиқболлари кўриб чиқилди.

Учрашув конструктив руҳда ўтди, томонлар таълим соҳасида ҳамкорликни ривожлантиришга тайёр эканликларини билдирдилар.