Жаҳон банки вакиллари билан олий таълимда “Коррупциясиз соҳа” лойиҳасини амалга ошириш муҳокамаси бўйича учрашув

2019 йил 13 ноябрь куни Олий ва ўрта махсус таълим вазирлигида Жаҳон банки вакиллари билан Олий таълим тизимида “Коррупциясиз соҳа” лойиҳасини амалга оширишда техник кўмак кўрсатиш масаласи муҳокамаси юзасидан учрашув бўлиб ўтди.

Учрашувда Бош прокуратура Академияси ходимлари, Жаҳон банки вакиллари – ишчи гуруҳ раҳбари, таълим бўйича катта мутахассис Диего Амбаш (Вашингтон), таълим бўйича етакчи мутахассис Хавьер Ботеро (Вашингтон), Ўзбекистондаги Доимий ваколатхонанинг таълим бўйича мутахассиси Нодира Мелибоева, Жаҳон банки иштирокидаги “Олий таълим муассасаларини модернизация қилиш” лойиҳаси мониторинги ва баҳолаш бўйича мутахассиси Қаҳрамон Солихов иштирок этишди.

Учрашув давомида олий таълимда “Коррупциясиз соҳа” лойиҳасини амалга ошириш бўйича консультатив ва техник кўмак кўрсатиш юзасидан асосий йўналишлар муҳокама қилинди.

Жаҳон банки вакиллари томонидан лойиҳани банкнинг амалдаги “Олий таълим муассасаларини модернизация қилиш” лойиҳаси доирасида амалга ошириш бўйича қизиқиш билдиришди.