Қирғизистон Республикаси Олий суди ҳузуридаги Суд департаменти делегацияси ташрифи

2019 йилнинг 15 ноябрь куни Қирғизистон Республикаси Олий суди ҳузуридаги Суд департаменти директори К.М.Капалов бошчилигидаги делегация Ўзбекистон Республикаси Бош прокуратураси Академиясига ташриф буюрди.

Ташриф доирасида ташкил этилган ўқув семинарида Департамент вакиллари томонидан Академия профессор-ўқитувчилари учун Қирғизистон Республикасида суд ҳужжатларини мажбурий ижро этиш тизими ҳамда соҳада амалга оширилаётган ислоҳотлар хусусида маълумотлар берилди.

Шунингдек, ташриф давомида меҳмонлар Бош прокуратура Академияси фаолиятининг асосий йўналишлари, замонавий ахборот-коммуникация технологиялари орқали масофавий таълимни жорий этган ҳолда ташкил этилаётган ўқув жараёнлари, Академиянинг инфратузилмаси, шу жумладан мультимедиа маркази, криминалистик полигон, воқеа жойини кўздан кечириш ва суд жараёни имитациясини амалга ошириш хоналари билан яқиндан танишдилар.

Ташриф якунига кўра, томонлар ўзаро фойдали ҳамкорлик муносабатларини янада ривожлантириш ва мустаҳкамлашга тайёр эканликларини маълум қилдилар.