Тошкентдаги Амити Университети вакиллари билан учрашув

2019 йил 18 ноябрь куни Ўзбекистон Республикаси Бош прокуратураси Академиясида Академия раҳбариятининг Тошкентдаги Амити университети ахборот технологиялари ва инжиниринг департаменти профессори доктор Анчал Гарг ҳамда маркетинг бўлими менеджери Севара Хосиятқулова билан учрашуви бўлиб ўтди.

Томонлар ўқув юртлари ўртасида меморандум тузиш воситасида ҳамкорлик муносабатларини кенгайтириш, академик ҳаракатчанлигини ривожлантириш, тингловчилар стажировкаларини ташкил қилиш, Амити университети мутахассисларини Академиядаги ўқув машғулотларига жалб қилишга йўналтирилган икки томонлама ҳамкорлик истиқболларини муҳокама қилдилар.

Учрашув якунига кўра томонлар шунингдек Академия ҳамда прокуратура органлари фаолиятига ахборот технологияларини кенг жорий қилиш борасида ҳамкорликдаги келгуси қадамлар бўйича келишиб олдилар.