БАА Инсон ресурслари бўйича федерал идораси Инсон ресурсларини қўллаб қувватлаш тизими департаменти вакиллари билан учрашув

2019 йилнинг 16 ноябрь куни Академия раҳбариятининг БАА Ҳукумати Инсон ресурслари бўйича федерал ташкилоти вакиллари Амна Дарвиш ал Раиси ҳамда Шаиха ал Кааби билан учрашуви бўлиб ўтди.

Учрашув давомида давлат хизмати тизимида рақамли трансформация, ахборот-коммуникация технологиялари ёрдамида давлат хизмати учун юқори малакали кадрларни тайёрлаш масалалари ҳамда касбий компетенцияларни шакллантиришнинг ўзига хос жиҳатлари муҳокама қилинди.

Тадбир иштирокчилари Академиянинг илмий ва таълим соҳасидаги фаолияти, шунингдек Академия электрон таълим бўлимининг ахборот коммуникация технологиялари ёрдамида узлуксиз таълим тизимини амалга ошириш фаолияти ҳамда ходимлар иши самарадорлигини баҳолаш тизимини (KPI) жорий этиш ҳолати билан таништирилди.

Тадбир якунлари бўйича томонлар ўзаро қизиқтирган масалалар бўйича халқаро ҳамкорликни ривожлантириш бўйича келишиб олишди.