UzTESPING лойиҳаси доирасида навбатдаги семинар-тренингда иштирок этилди

2019 йил 19-20 ноябрь кунлари Ўзбекистон давлат жаҳон тиллари университети ҳузуридаги Чет тилларни ўқитишнинг инновацион методикаларини ривожлантириш Республика илмий-амалий маркази (РИАИМ) билан ҳамкорликда марказ қошида фаолият олиб бораётган нофилологик олий таълим муассасалари инглиз тили ўқитувчиларининг ўзаро тажриба алмашиш гуруҳи (UzTESPING) нинг навбатдаги семинар-тренинги бўлиб ўтди. Тренингда республикамизнинг бир қатор нофилологик олий таълим муассасалари инглиз тили ўқитувчилари иштирок этди.

Семинар-тренингда Ўзбекистон Республикаси Бош прокуратураси Академияси Тил ўргатиш кафедраси бошлиғи С. Курбанова ўзининг “Инглиз тилини юридик мақсадларда ўқитишда “Flipped classroom” ёндашувини ахборот технологиялари ёрдамида амалга ошириш” мавзусида тақдимот қилди.

Семинар-тренинг давомида инглиз тилини ўқитишда энг замонавий методикаларни ахборот технологиялари ёрдамида қўллашнинг аҳамиятли жиҳатлари, айниқса, юридик инглиз тилини ўқитишда улардан фойдаланиш борасидаги олиб борилаётган чора-тадбирлар хусусида батафсил маълумот берилди, шунингдек замонавий инглиз тили ўқитувчисида мавжуд бўлиши лозим бўлган касбий компетенциялар ва уларни такомиллаштириш тўғрисида қизғин муҳокамалар бўлди.