Коррупцияга қарши курашиш масалаларига бағишланган илмий-амалий семинар бўлиб ўтди

2019 йил 16 ноябрь куни Ўзбекистон Республикаси Бош прокуратураси Академияси, Олий ва ўрта махсус таълим вазирлиги ҳамда Бердақ номидаги Қорақалпоғистон давлат университети ҳамкорлигида коррупцияга қарши курашиш масалаларига бағишланган илмий-амалий семинар ўтказилди.

Семинарда Бош прокуратура Академияси, Қорақалпоғистон Республикаси прокуратураси, Иқтисодий жиноятларга қарши курашиш департаменти, Олий ва ўрта махсус таълим вазирлиги, Ички ишлар вазирлиги ходимлари, Жиноят ишлари бўйича Нукус шаҳри судьялари ҳамда Бердақ номидаги Қорақалпоғистон давлат университети профессор-ўқитувчилари иштирок этдилар.

Семинар давомида коррупциянинг давлат ва жамият тараққиётига салбий таъсири, коррупцияга қарши курашишнинг самарали усуллари ва унинг олдини олиш бўйича хорижий давлатларнинг ижобий тажрибаси, шунингдек мамлакатимизда амалга оширилаётган туб ислоҳотлар жараёнида коррупция омилига барҳам беришнинг аҳамияти каби масалалар ҳар томонлама муҳокама қилинди.

Семинар якунида иштирокчилар ўзларини қизиқтирган саволларга жавоблар олдилар.