Бош прокуратура Академияси магистратураси тингловчилари ҳалқаро тадбирларда фаол иштирок этмоқда

2019 йил 18-22 ноябрь кунлари Қирғизистон Республикасининг Кош-кол шаҳрида Европа хавфсизлик ва ҳамкорлик ташкилоти (ЕХҲТ)нинг Лойиҳа офиси томонидан Марказий Осиё давлатлари ёш мутахассислари учун стратегик режалаштиришга оид интенсив курс ташкил этилди.

Мазкур курсни Россия, Қирғизистон ва Польша мамлакатларидан халқаро экспертлар олиб борди.

Тадбирда Ўзбекистон делегацияси таркибида Бош прокуратура Академияси магистратураси тингловчилари А.Халмуратов ва Т.Мустафоев иштирок этишди.

Ўқув курси демократик институтларни мустаҳкамлашга ва унинг доирасида стратегик режалаштириш соҳасида ишлаётган ёш мутахассислар келгусида ўз мамлакатларининг ривожланиш истиқболларини белгилашда ўз ҳиссаларини қўшишига қаратилган.

Ушбу тадбирда стратегик режалаштириш бўйича маслаҳатчиларнинг ролини шакллантириш, шунингдек давлат хизматининг стратегик фаолиятини ишлаб чиқиш, шакллантириш ва амалга оширишда турган вазифаларни яхшироқ тушунишга доир масалалар муҳокама қилинди.