Ўқитиш соҳасида самарали ҳамкорлик

Ўзбекистон Республикаси Бош прокуратураси Академиясида “Фуқаролик, маъмурий ва иқтисодий суд ишларини юритишда прокурор иштирокининг самарадорлигини ошириш масалалари” мавзусида ташкиллаштирилган малака ошириш ўқув курсларининг режаси ҳамда Академия ва Судьялар олий кенгаши ҳузуридаги Судьялар олий мактаби ўртасида имзоланган кўшма ўқув машғулотлари дастурига асосан 2019 йилнинг 25 ноябрида Бош прокуратура Академияси ҳамда Судьялар олий мактаби тингловчилари иштирокида қўшма ўқув-семинар машғулоти ташкиллаштирилди.

Қўшма ўқув-семинар машғулоти доирасида маъмурий судларда оммавий-ҳуқуқий муносабатлардан келиб чиқадиган ишларни кўрилишида процессуал қонунчилик нормаларини қўллашнинг айрим масалалари ҳамда фуқаролик ва иқтисодий судларда ишларни кўрилишида прокурор иштирокининг айрим долзарб масалалари тингловчиларнинг фаол иштироки таъминланган холда суд амалиёти мисоллари асосида муҳокама этилди.

Жумладан, қўшма ўқув-семинар машғулоти давомида маъмурий судларда оммавий-ҳуқуқий муносабатлардан келиб чиқадиган ишларни кўришнинг ўзига хос хусусиятлари, мазкур тоифадаги ишлар бўйича даъво муддатларига оид қонун нормаларининг қўлланилиши, маъмурий судловга тааллуқлилик, прокурор даъво аризаларига асосан қўзғатилган фуқаролик, иқтисодий ва маъмурий ишлар бўйича суд амалиёти, прокурорнинг суддаги иштироки, ноқонуний қурилмаларни бузиш, мулкка эгалик ҳуқуқини белгилаш каби ишларда аҳамият берилиши лозим бўлган масалалар атрофлича кўриб чиқилди, уларга оид тушунтириш ва йўлланмалар берилди.

Тадбир иштирокчилари қонунчиликни такомиллаштириш борасида ҳам бир қатор таклифларни илгари сурдилар.