Олий ўқув юртидан кейинги таълим институтига кириш имтиҳони ва суҳбат

2019 йилнинг 23 ноябрь куни Бош прокуратура Академиясида таянч докторантурада ўқиш учун талабгорлар мутахассислик бўйича кириш имтиҳонини топширдилар, мустақил изланувчиликка талабгорлар билан эса суҳбат ўтказилди.

Кириш имтиҳони ва суҳбат Олий ўқув юртидан кейинги таълим тўғрисидаги низом талабларига тўлиқ амал қилинган ҳолда Бош прокуратура Академияси, Тошкент давлат юридик университети, Судьялар олий мактаби, Юристлар малакасини ошириш маркази вакилларидан иборат таркибда тузилган комиссия томонидан олиб борилди.

Мустақил изланувчилар билан эса мамлакатимизда амалга оширилаётган суд-ҳуқуқ соҳасидаги ислоҳотлар ва уларнинг мазмун-моҳияти, талабгорларнинг илмий иш бўйича кўникмалари, тадқиқотларининг қисқача долзарблиги ва моҳияти ҳақида суҳбат олиб борилди.