Хорижий мутахассисларнинг ўқув жараёнидаги иштироки

Ўзбекистон Республикаси Президентининг 2019 йил 8 майдаги “Прокуратура органлари кадрларини тайёрлаш, қайта тайёрлаш ва уларнинг малакасини ошириш тизимини тубдан такомиллаштириш чора-тадбирлари тўғрисида”ги Фармонига асосан, шунингдек белгиланган вазифаларни самарали амалга ошириш мақсадида Бош прокуратура Академиясида ўқув жараёнларига хорижий мутахассислар жалб қилиб келинмоқда.

Шу жумладан, инглиз тилида сўзлашиш малакасини ривожлантириш ва юридик инглиз тилини ўрганишни чуқурлаштириш мақсадида Бош прокуратура Академиясида инглиз тили машғулотларини хорижий – инглиз тили она тили ҳисобланган мутахассислар иштирокида олиб бориш мунтазам равишда йўлга қўйилган.

Академия ўқув жараёнларига навбатдаги хорижий эксперт сифатида инглиз тилини талабаларга ўқитиш бўйича тажрибага эга бўлган Витгенберг университети битирувчиси Мэдисон Н. Крстич (АҚШ) жалб қилинган.

Ҳозирги кунда Академияда М.Крстич иштирокида профессор-ўқитувчилар, магистратура ва малака ошириш тингловчилари учун инглиз тилида сўзлашиш малакасини юксалтиришга йўналтирилган машғулотлар ўтказилмоқда. Дарсларнинг амалий аҳамияти шундаки, улар жамиятдаги актуал саволлар ва муаммолар муҳокамасига бағишланган.

Ўтказилаётган дарслар ўқитишнинг замонавий усуллари ёрдамида тил малакасини такомиллаштиришга хизмат қилади.