Тошкент шаҳар Чилонзор туманида амалга оширилаётган “Хавфсиз ҳудуд” халқаро ҳамкорлик лойиҳасини амалга ошириш бўйича ишлар

Бош прокуратура Академияси томонидан Тошкент шаҳар Чилонзор туманида “Хавфсиз ҳудуд” лойиҳасини амалга ошириш ишлари давом этмоқда.

Мазкур фаолият доирасида БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий вакили A.Миттал, БМТнинг Гиёҳванд моддалар ва жиноятчилик бўйича бошқармасининг Жиноий адлия ва жиноятчиликнинг олдини олиш бўйича дастурнинг халқаро координатори К.Маркверинг, БМТнинг Гиёҳванд моддалар ва жиноятчилик бўйича бошқармасининг Венадаги штаб квартираси вакили Н.Грейдер, шунингдек, халқаро ва миллий экспертлар иштирокида видеоконференцалоқа воситасида навбатдаги ишчи учрашув бўлиб ўтди.

Тадбир самарадор ва конструктив тарзда ўтди, миллий экспертлар томонидан лойиҳа бошидан ҳозирга қадар эришилган натижалар тўғрисида тақдимот амалга оширилди.

Учрашув иштирокчилари томонидан келгусида тадқиқотни давом эттириш масалалари муҳокама қилинди, ушбу йўналишда амалий тавсиялар берилиб, аниқ вазифалар белгилаб олинди.