Қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллашнинг олдини олиш масалаларига оид онлайн семинар ўтказилди

Жорий йил 27 октябрь куни Бош прокуратура Академияси томонидан Ички ишлари вазирлиги билан ҳамкорликда ташкил этилган “Қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллашнинг олдини олиш” мавзусида онлайн семинар бўлиб ўтди.

Ўқув семинарида Бош прокуратура, ҳудудий прокуратуралар, Ички ишлар вазирлиги ва ҳудудий ички ишлар органларининг масъул ходимлари, Бош прокуратура Академияси профессор-ўқитувчилари иштирок этдилар.

Тадбирда қийноққа солганлик учун жавобгарликнинг кучайтирилишига оид қонунчиликка киритилган ўзгартиришлар, қийноқнинг олдини олиш борасида прокуратура органлари томонидан амалга оширилаётган ишлар ва бу борадаги вазифалар, жиноят процессида шахс ҳуқуқларини таъминлашнинг ташкилий ва амалий чоралари каби масалалар кўриб чиқилди.

Тадбир иштирокчилари саволларига мутахассислар томонидан атрофлича жавоблар берилди.

Бундай тадбирларни давомли ўтказилиши ходимларнинг билими ва касбий малакасини оширишда муҳим аҳамият касб этиши иштирокчилар томонидан алоҳида қайд этилди.