Япония Aдлия вазирлиги билан жиноятчилик аҳволини ўрганиш бўйича ҳамкорликдаги лойиҳа амалга оширилиши давом этмоқда

Жорий йилнинг 28 октябрь куни жиноятчилик ҳолатини узлуксиз мониторинг қилиш салоҳиятини мустаҳкамлаш борасида Япония Aдлия вазирлиги ва Ўзбекистон Республикаси Бош прокуратураси Академияси қўшма ишчи гуруҳининг навбатдаги онлайн учрашуви бўлиб ўтди.

Учрашув давомида Япония томони статистик маълумотларни қайта ишлаш тартиби тўғрисида маълумот берди. Жумладан, Японияда жиноятчилик ҳолати тўғрисида маълумотларни йиллик ҳисоботда акс эттириш услубиёти муҳокама қилинди.

Онлайн мулоқот Ўзбекистон Республикасида жиноятчилик ҳолати тўғрисида маълумот тўплашнинг амалдаги тизимини баҳолаш учун ҳам фойдали бўлди.

Маълумотларни минтақалар миқёсида, жиноятчилик турлари ҳамда бошқа мезонлари асосида ўрганишнинг муҳим параметрларига ҳам тўхталиб ўтилди.

Қўшма гуруҳ аъзолари томонидан Япония Адлия вазирлигида жиноятчилик тўғрисидаги йиллик ҳисоботларни тайёрлашда фойдаланиладиган корреляция усулларини қўллаган ҳолда мамлакатимиздаги жиноятчилик ҳолати таҳлилининг бошланғич кўринишини ишлаб чиқишга келишиб олдилар.