Германия Халқаро ҳамкорлик ташкилоти GIZ билан халқаро ҳамкорлик доирасидаги навбатдаги тадбир

2020 йилнинг 29 октябрида Бош прокуратура Академиясида Германия Халқаро ҳамкорлик ташкилотининг GIZ “Марказий Осиёда ҳуқуқий давлатчиликка кўмаклашиш” минтақавий дастури доирасида онлайн режимда “Маъмурий органлар томонидан маъмурий низоларни ҳал этиш” мавзусида навбатдаги  вебинар ўтказилди.

Тадбирда Бош прокуратура Академиясининг раҳбарияти ва профессор-ўқитувчилари, Бош прокуратура марказий маҳкамаси ҳамда қуйи турувчи прокуратуралар ходимлари, ҳамкор ўқув муассасаларининг ходимлари иштирок этдилар.

Вебинар ишида Халқаро ҳамкорлик ташкилотининг GIZ “Марказий Осиёда ҳуқуқий давлатчиликка кўмаклашиш” минтақавий дастури раҳбари Йорг Пуделька, Гамбург шаҳар ҳокимияти юридик департаментининг раҳбари, Гамбург шаҳар ҳокимининг маслаҳатчиси, “GIZ” эксперти Бёрн Фарриес, минтақавий дастурнинг Ўзбекистондаги миллий координатори С.Назаров иштирок этдилар.

Б.Фарриес томонидан “Маъмурий ишларни кўриб чиқувчи маъмурий органлар” ҳамда “Маъмурий низоларни ҳал этишда маъмурий актларнинг тутган ўрни (мазмуни, хусусияти, турлари)” мавзуларида маъруза қилинди.

Тадбирда Германия қонунчилигининг тегишли нормалари миллий қонунчилигимизнинг қоидалари билан таққослаш орқали амалиёт мисоллари келтириш билан бирга таҳлил этилди. Эксперт Б.Фарриес томонидан тадбир иштирокчиларининг бир қатор саволларига жавоб берилди.

Тадбир иштирокчилари кун тартибидаги масала бўйича ўз фикр ва мулоҳазаларини билдириб ўтдилар.