Академия Кенгашининг навбатдаги йиғилиши бўлиб ўтди

2020 йил 30 октябрь куни Бош прокуратура Академияси Кенгашининг навбатдаги йиғилиши бўлиб ўтди.

Йиғилишда Академия томонидан 2020 йил октябрь ойида амалга оширилган ишлар ва келгусидаги устувор вазифалар муҳокама қилинди.

Хусусан, Академия томонидан замонавий педагогик ва ахборот-коммуникация технологиялари асосида прокуратура органлари ходимларини тайёрлаш, қайта тайёрлаш ва малакасини ошириш, прокуратура органлари фаолиятини илмий-методик жиҳатдан таъминлашга қаратилган ўқув-услубий ва илмий-амалий тадбирлар, шунингдек таълим, илмий-тадқиқот муассасалари ва бошқа ташкилотлар билан самарали идоралараро ва халқаро ҳамкорликни амалга ошириш йўналишларида қилинган ишлар танқидий кўриб чиқилди.

Кенгаш томонидан Бош прокуратура Академияси магистратураси фаолиятини янада такомиллаштириш бўйича Йўл харитаси ва календарь режа ижросининг аҳволи ҳақида масала ҳам муҳокама қилинди.

Шунингдек, Кенгаш аъзолари томонидан Академия профессор-ўқитувчилари томонидан тайёрланган нашрлар муҳокама қилиниб, кун тартибидаги масалалар бўйича тегишли қарорлар қабул қилинди.