Бинар машғулотлар туркуми бошланди

Машғулотларни амалий йўналтирилган шаклда олиб бориш, ўқув жараёнини компетенцияларни шакллантиришга қаратилган бинар ўқув машғулотлари ўтказилиши Ҳ.Сулаймонова номидаги Республика суд экспертизаси маркази эксперти иштирокида “Криминалистика ва суд экспертизаси” модули доирасида онлайн режимида бошланди.

Жорий йилнинг 2 ноябрь куни “Тергов фаолияти” йўналиши магистратура талабалари учун Ҳ.Сулаймонова номидаги Республика суд экспертизаси маркази эксперти М.Тошпўлатов ва Жиноятчиликка қарши курашиш ва ҳуқуқбузарликлар профилактикаси тўғрисидаги қонунлар ижроси устидан назорат кафедраси доценти И.Астанов иштирокида “Суд-фонография экспертизасини тадқиқот объеклари ва намуналарни тақдим қилишнинг тартиби” мавзусида биринчи бинар маъруза ташкил этилди.

Дарс машғулоти жараёнида профессионал фаолиятда билим, кўникма, касбий фаолиятнинг ахлоқий қадриятларини ўзлаштириш ва қўллашга шароит яратилди, тергов амалиётининг фонографик экспертизага оид долзарб масалалари муҳокама қилинди.