ИҲTТ Шарқий Европа ва Марказий Осиё мамлакатлари учун Корупцияга қарши курашиш тармоғи Бошқарув гуруҳининг 25-мажлиси бўлиб ўтди

Жорий йилнинг 28 май куни видеоконференцалоқа режимида Иқтисодий ҳамкорлик ва тараққиёт ташкилотининг Шарқий Европа ва Марказий Осиё мамлакатлари учун Коррупцияга қарши курашиш тармоғи (ИҲТТ Тармоғи) Бошқарув гуруҳининг 25-мажлиси бўлиб ўтди.  

Мажлисда ИҲТТ Тармоғи раҳбарияти, Коррупцияга қарши курашиш бўйича Истамбул ҳаракатлар режаси, Халқаро божхона ташкилоти, ЕХҲТ ва бошқа халқаро ташкилотлар экспертлари, ИҲТТ Тармоғи иштирокчи-давлатлар миллий мувофиқлаштирувчилари, шунингдек фуқаролик жамияти вакиллари иштирок этишди.

Ўзбекистон томонидан Бош прокуратура, Бош прокуратура Академияси ва Коррупцияга қарши куришиш бўйича республика идоралараро комиссиясининг эксперт гуруҳи раҳбарияти иштирок этди.

Учрашув давомида Молдованинг Истамбул ҳаракатлар режаси (ИҲР)га қўшилганлиги эълон қилинди, ИҲТТ Тармоғининг пандемия шароитида 2020 йил учун иш режаси ва тадбирлари тасдиқланди, коррупцияга қарши курашиш самарадорлиги кўрсаткичлари лойиҳаси ва унинг асосида ИҲР иштирокчи-давлатларида бошланғич мониторинг ўтказиш масаласи муҳокама қилиб олинди.