Бош прокуратура Академияси магистратураси гуруҳларида якуний назорат имтиҳонлари ўказилмоқда

Ўзбекистон Республикаси Бош прокуратураси Академиясида магистратура тингловчиларининг иккинчи семестр давомида ўқитилган ўқув фанлари бўйича ўзлаштириш натижаларини аниқлаш мақсадида якуний назорат имтиҳонлари бўлиб ўтмоқда.

Якуний назорат онлайн режимда ёзма имтиҳон шаклида ўтказилмоқда. Имтиҳон билети эссе учун мавзу ҳамда казусдан иборат. Ёзма имтиҳон тингловчиларнинг фанга оид назарий билимлари, уларнинг тизимли таҳлил, танқидий фикрлаш, қарор қабул қилиш, мантиқий баён этиш  кўникмалари каби мезонлар асосида баҳоланади.

Имтиҳонларни объектив ва шаффоф ўтказилишини таъминлаш мақсадида имтиҳон билетларини тасодифий генерация усулида танлаш, ёзма имтиҳонни онлайн мониторинг қилиш, ҳар бир тингловчига ажратилган вақтни назорат қилиш, шунингдек имтиҳон жавобларини шифрлаштириш чоралари кўрилиб, уларни текшириш учун Академиянинг тегишли тармоқларига тақдим этилади.