Иқтисодиёт олий мактаби Коррупцияга қарши кураш маркази директори билан учрашув

2020 йилнинг 17 июнь куни Академияда Коррупцияга қарши курашиш илмий-таълим маркази ҳамда Психологик таъминлаш бўлими раҳбариятининг Россия Федерацияси “Иқтисодиёт олий мактаби” Миллий тадқиқот университетининг Коррупцияга қарши кураш маркази директори Алексей Конов билан видеоконференцалоқа воситасида учрашуви бўлиб ўтди.

Учрашув давлат хизматчилари малакасини ошириш ва коррупцияга қарши кураш соҳасида қўшма тадқиқотлар олиб бориш йўналишида ҳамкорликни йўлга қўйиш масалаларини муҳокама қилиш мақсадида ташкил этилди.

Томонлар ўзаро манфаатли соҳаларда тажриба алмашиш ва ҳамкорликни ривожлантириш бўйича кейинги қадамларни белгилаб олишди.