Бош прокуратура Академияси ва Япония Aдлия вазирлиги ўртасидаги қўшма лойиҳани амалга ошириш онлайн муҳокама қилинди

Бош прокуратура Академияси ва Япония Aдлия вазирлиги вакиллари билан “Ўзбекистон Республикасида жиноятлар тўғрисида йиллик ҳисобот” материалини ишлаб чиқиш билан боғлиқ лойиҳани амалга оширишнинг концептуал масалаларини муҳокама қилиш бўйича ишчи учрашуви бўлиб ўтди. Лойиҳани амалга ошириш ушбу соҳадаги япон тажрибасини ўрганиш ва қўллашни ўз ичига олади.

Тадбирда Бош прокуратура Академияси раҳбарияти ва ходимлари, шунингдек, Япония Aдлия вазирлигининг таркибий бўлинмалари раҳбарлари ва ходимлари, Вазирликнинг Тадқиқот ва малака ошириш институти, шунингдек, БМТнинг жиноятчиликнинг олдини олиш ва ҳуқуқбузарлар билан муомалада бўлиш тўғрисидаги Осиё ва Узоқ Шарқ институти (UNAFEI) вакиллари иштирок этдилар.

Япония томони вакиллари ушбу соҳадаги ижобий тажрибани инобатга олган ҳолда лойиҳани амалга оширишни давом эттиришга қизиқиш билдирдилар.