Касб одобномасига риоя этишнинг аҳамияти мавзусида вебинар

Жорий йилнинг 19 июнь куни Бош прокуратура Академиясида Бош прокуратура, Иқтисодий жиноятларга қарши курашиш Департаменти, Мажбурий ижро бюроси, вилоят прокуратуралари ва уларга тенглаштирилган прокуратураларининг ички хавфсизликни таъминлаш ва кадрлар билан ишлаш тармоқлари ходимлари ҳамда Академия профессор-ўқитувчилари иштирокида “Прокуратура органлари фаолиятида Касб одобномасига риоя этишнинг аҳамияти” мавзусида вебинар ўтказилди.

Мазкур тадбирда прокуратура органлари ходимларининг хавфсизлигини таъминлаш ва коррупциявий ҳолатларнинг олдини олишда хизмат этикасига риоя этишнинг аҳамияти, бу борадаги хориж тажрибаси, ходимлар фаолиятида манфаатлар тўқнашуви ва унинг олдини олишнинг самарали усул ва воситалари, шунингдек, ходимлар масъулиятини ошириш борасида амалга оширилиши лозим бўлган чора-тадбирлар муҳокамаси бўлиб ўтди.

Вебинар якунида иштирокчилар томонидан билдирилган таклиф ва фикр-мулоҳазалар асосида келгусида ушбу соҳани янада такомиллаштиришга доир тавсиялар ишлаб чиқилди.