Қўшма лойиҳани амалга ошириш масалалари муҳокама қилинди

Бош прокуратура Академияси ҳамда БМТ Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси вакиллари,  халқаро ва миллий даражадаги экспертлар ўртасида “Фарғона водийсида ёшлар ижтимоий уйғунлик учун” лойиҳаси доирасидаги “Фарғона водийсида жиноят ва хавфсизлик бошқаруви” мавзусида тадқиқот ўтказиш масаласини муҳокама қилиш мақсадида видеоконференцалоқа воситасида учрашув ўтказилди.

Учрашув доирасида томонлар мазкур тадқиқотни ташкил этиш ва амалга ошириш билан боғлиқ масалаларни муҳокама қилиб олдилар. Шу билан бирга, ушбу мавзуга оид бошқа давлатларда амалга оширилган тадқиқотлар, қўлланилган методикалар, ўрганиш натижалари ва шунга ўхшаш ижобий тажрибалар борасида бевосита тадқиқотларни амалга оширган мутахассислар томонидан сўзлаб берилди. 

Учрашув давомида лойиҳани амалга ошириш борасида концептуал масалалар бўйича келишиб олиниб, тегишли қарорлар қабул қилинди. Учрашувда иштирок этган экспертлар фикрича, мазкур тадқиқот натижалари таҳлили мамлакатимизда жабрланувчилар билан ишлаш тизимини янги сифат босқичига олиб чиқишга хизмат қилади.