Прокуратура органларининг ташкилий-ҳуқуқий асослари бўйича ўқув курси бошланди

Бош прокуратура Академиясида Бош прокуратуранинг қонунийлик ва ҳуқуқ-тартиботни таъминлаш муаммоларини таҳлил қилиш бошқармаси, вилоятлар ва уларга тенглаштирилган прокуратураларнинг ахборот-коммуникация технологияларини жорий этиш ва ахборот хавфсизлигини таъминлаш тармоқлари ходимлари учун “Прокуратура органлари фаолиятининг ташкилий-ҳуқуқий асослари” мавзусида масофавий малака ошириш курси машғулотлари бошланди.

Мазкур ўқув курси тингловчиларнинг прокуратура органларида ишларни ташкил этиш ва бошқариш, жисмоний ва юридик шахслар мурожаатлари билан ишлаш, тизимли таҳлил ва ахборот-таҳлилий кўникмаларини шакллантиришга йўналтирилган.

Ўқув курси дастуридан рақамли иқтисодиёт, иқтисодий жиноятларга қарши курашишда ахборот тўплаш ва очиқ маълумотлар билан ишлаш, жиноят ишлари бўйича махсус билимлардан фойдаланиш ва айрим тергов ҳаракатларини ўтказишнинг илғор услубларига оид долзарб мавзулар ўрин олган.

Малака ошириш курслари натижасига кўра тингловчилар билимлари тест, казус ва бошқа усуллар орқали баҳоланади.