Жиноий фаолиятдан олинган даромадларни легаллаштириш ва терроризмни молиялаштириш хавфларини миллий баҳолаш натижалари муҳокама қилинди

Академия томонидан Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти билан ҳамкорликда ЕХҲТнинг Ўзбекистондаги лойиҳалар координатори офиси кўмагида  жиноий фаолиятдан олинган даромадларни легаллаштириш ва терроризмни молиялаштириш хавфларини миллий баҳолаш масалаларига бағишланган видеоконференцалоқа режимида давра суҳбатлари ўтказилди.

Тадбирларда халқаро экспертлар В.Нечаев ва С.Расулов, ЕХҲТнинг Ўзбекистондаги лойиҳалар координатори офиси вакили, ҳуқуқни муҳофаза қилувчи органлар, мувофиқлаштирувчи ва лицензияловчи органларнинг ходимлари ҳамда Бош прокуратура Академияси профессор-ўқитувчилари иштирок этишди. 

Туркум тадбирлар жараёнида 2019 йилда ўтказилган жиноий фаолиятдан олинган даромадларни легаллаштириш ва терроризмни молиялаштириш хавфларини миллий баҳолаш натижалари, хавфларни бошқариш бўйича амалга оширилаётган ва режалаштирилаётган чоралар, 2020 йилда ўтказиладиган миллий ва соҳавий хавфларни баҳолаш масалалари, хавфларни баҳолашни ўтказишнинг ўзига хос хусусиятлари, тартиби ва муддатлари кўриб чиқилди.

Иштирокчилар шу каби тадбирларни ўтказишни давом этиш лозимлиги тўғрисида фикр билдиришди.