Кредит-модуль тизимида компетенциявий ёндашувни жорий этиш масалалари муҳокама қилинди

2020 йил 26 июнь куни Бош прокуратура Академиясида ўқитишнинг кредит-модуль тизимида компетенциявий ёндашувни жорий этиш масалаларига бағишланган семинар-тренинг бўлиб ўтди.

Семинар-тренинг Тошкент халқаро Вестминстер университети эксперти ҳамда Академия таркибий тармоқлари раҳбарлари иштирокида ўтказилди.

Тадбир давомида тингловчиларнинг кўникма ва компетенцияларини шакллантиришга йўналтирилган, кредит модуль тизими асосида таълим жараёнини ташкил этишнинг муҳим жиҳатлари кўриб чиқилди.  

Иштирокчилар халқаро таълим стандартларини инобатга олган ҳолда кредит-модуль тизими асосида таълим дастурларини такомиллаштириш борасида билим, кўникма ва ахлоқ нормаларини ўз ичига олган компетенциялар мажмуи устида иш олиб бордилар.

Мазкур йўналишдаги ишлар келгусида ўтказилиши режалаштирилган туркум тадбирлар доирасида давом эттирилади.