Хорижий мамлакатларнинг илғор тажрибасини ҳамкорликдаги қўшма лойиҳада қўллаш

Бош прокуратура Академияси ҳамда БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси вакиллари, халқаро ва миллий даражадаги экспертлар ўртасида “Фарғона водийсида ёшлар ижтимоий уйғунлик учун” лойиҳаси доирасидаги “Фарғона водийсида жиноят ва хавфсизлик бошқаруви” мавзусида тадқиқот ўтказиш масаласини муҳокама қилиш мақсадида видеоконференцалоқа воситасида учрашув ўтказилди.

Учрашув доирасида Тилбург университетининг виктимология бўйича профессори Ян Ван Дайк мазкур турдаги тадқиқотни ўтказиш тажрибаси ҳақида маълумот берди ҳамда маҳаллий экспертларга ўз тавсияларини берди.

Хусусан, видеоконференция иштирокчилари тадқиқотни ўтказиш методлари, муддатлари ва натижалари ҳақида ўзларини қизиқтирган саволларга жавоб олдилар.

Учрашув давомида виктимизация ўтказиш бўйича Бош прокуратура Академиясида йиғилган экспертлар гуруҳига тегишли тренинг машғулотларини ўтказиш учун БМТнинг Гиёҳванд моддалар ва жиноятчиликка қарши кураш бошқармасининг бош офисидан экспертлар жалб қилиш бўйича келишувга эришилди.