Академиянинг магистратураси тингловчиси юксак мукофот билан тақдирланди

2020 йил 27 июнда Ёшлар куни арафасида бир гуруҳ ёш авлод вакилларига “Ўзбекистон белгиси” кўкрак нишони топширилди.

Фан, таълим ва соғлиқни сақлаш соҳасига қўшган ҳиссаси учун юқори мукофотга сазовор бўлган ёшлар вакиллари орасида ҳозирда Швециянинг Лунд университетида академик алмашинув дастури доирасида таҳсил олаётган Бош прокуратура Академияси магистратура тингловчиси Толибжон Мустафоев ҳам бор.

2003 йилдан буён ушбу кўкрак нишони билан юксак ватанпарварлик, фидоийлик туйғуси, меҳнатсеварлик фазилатларини ўзида мужассамлаштирган, Ватанимиз обрўси, шон-шуҳратини юксалтиришга, унинг халқаро нуфузини янада оширишга хизмат қилаётган, мамлакатимизнинг ижтимоий-сиёсий ҳаётида фаол иштирок этиб, тенгдошларига намуна бўлаётган ёшлар тақдирланмоқда.

Академия жамоаси Т.Мустафоевни юксак мукофот билан табриклайди ва унга келгусида муваффақиятлар тилайди.