Таҳлилий ишларни олиб бориш ва тайёрлаш учун услубий йўриқнома тайёрланди

Бош прокуратура Академияси ходимлари томонидан таҳлилий ишларни олиб бориш ва тайёрлаш учун зарур бўлган билим ва кўникмаларни такомиллаштириш бўйича услубий йўриқнома тайёрланди.

Ушбу йўриқнома таҳлилий ҳужжатларни тайёрлаш бўйича амалий тавсиялар мажмуидир.

Йўриқнома аналитик ҳужжатнинг ечимларни ишлаб чиқиш воситаси сифатида ролини тушунишга, аналитик ҳужжатнинг таркибий ва матнли элементларини, ёзув жараёни босқичларини тузишда билим ва малакаларини оширишга, уларни тайёрлашда турли ёндашув ва усулларни тўғри қўллашга ёрдам беради.

Йўриқнома олий ўқув ва илмий-тадқиқот муассасалари ходимлари, докторантлар, шунингдек, кенг доирадаги юридик мутахассислар учун тавсия этилади.