Ўзаро манфаатли ҳамкорликнинг давоми

Бош прокуратура Академиясининг Ўзбекистон Республикаси Миллий гвардияси билан ҳамкорлиги доирасида 2020 йил 6 ноябрь куни “Миллий гвардия психологларининг аҳоли билан олиб борадиган ижтимоий-психологик ишларининг долзарб масалалари” мавзусида илмий-амалий семинар ташкил этилди.

Мазкур семинар доирасида Бош прокуратура Академиясининг психологик таъминлаш бўлими бошлиғи Э.Н.Сатторов томонидан “Аҳоли билан олиб бориладиган психологик ишларнинг ташкилий механизмлари” мавзусида суҳбат-тренинги ўтказилди. Ўтказилган тренинг семинар иштирокчилари томонидан қизғин кутиб олинди ва фаол қабул қилинди.

Тадбир якунига кўра Миллий гвардия психологлари ҳамда Бош прокуратура Академияси психологларининг келгусида олиб бориладиган илмий-амалий ҳамкорлигини ривожлантириш йўналишлари белгилаб олинди.