Юридик клиника фаолияти

Бош прокуратура Академияси Юридик клиникаси фаолияти доирасида магистратура тингловчилари учун тажрибали мураббийлар раҳбарлигида уларнинг юридик амалиёт ва ахлоқ кўникмаларини ривожлантиришга қаратилган клиник таълим курси иш бошлади.

Тингловчиларнинг амалий кўникмаларини такомиллаштиришнинг муҳим таркибий қисми ҳисобланувчи Академия клиникаси фаолияти юридик касбга содиқ бўлган юқори малакали кадрларни тайёрлашнинг самарали инновацион, амалиётга йўналтирилган моделини ўқув жараёнига жорий этиш мақсадида 2018 йилда йўлга қўйилган эди.

Академия Юридик клиникаси аҳолининг заиф қатламларига бепул асосда ҳуқуқий маслаҳатлар бериб, шу орқали уларнинг одил судловдан эркин фойдаланишига имконият яратади.   

Академия клиникаси фаолиятини ташкил этиш Ўзбекистон Республикаси Бош прокуратураси Мурожаатлар билан ишлаш бошқармаси билан ҳамкорликда амалга оширилмоқда.