Илмий тадқиқотнинг асосий талаблари муҳокама қилинди

2020 йил 19 ноябрь куни Бош прокуратура Академиясида “Илмий тадқиқот ишларига қўйилган талаблар” мавзусида онлайн илмий семинар ўтказилди.

Семинарда Бош прокуратура Академияси докторантлари, мустақил изланувчилари ва магистратура тингловчилари иштирок этди.

Тадбирда Академиянинг Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази бошлиғи, ю.ф.д, профессор М.М.Мамасиддиқов маъруза қилди.

Шунингдек Академиянинг профессор-ўқитувчиларидан ю.ф.н., доцент Э.Т.Ҳожиев ҳамда ю.ф.ф.д., доцент Х.А.Каримов томонидан илм-фанни ривожлантиришда назария ва амалиётнинг бир-бири билан узвий боғлаш масалалари, илмий тадқиқотнинг мақсад ва вазифаларини шакллантириш, объекти ва предметини белгилаш, унинг методлари бўйича батафсил маълумот берилди.

Тадбир баҳс-мунозараларга бой тарзда ўтиб, иштирокчилар ўзларининг қизиқтирган саволларига жавоб олдилар.