Прокуратура органлари фаолиятини рақамлаштиришнинг янги босқичи

Бош прокуратура Академиясида Бош прокуратура раҳбарияти учун Академиянинг «ProAcademy» ахборот-таълим портали негизида прокуратура органлари ходимлари компетенциялари ривожланишини узлуксиз комплекс мониторинг қилиш электрон дастурининг янгиланган версиясининг тақдимоти бўлиб ўтди.

Маълумот учун: прокуратура органлари ходимлари компетенциялари ривожланишини узлуксиз комплекс мониторинг қилиш электрон дастури Интеллекатул мулк агентлигининг 23.12.2019 йилдаги №DGU 07442-сонли гувоҳномасига асосан расмий рўйхатдан ўтган.

Тадбир давомида Бош прокурор ўринбосари Э.Т.Юлдашев томонидан бажарилган ишларга юқори баҳо берилди ҳамда таклиф этилаётган ечимларнинг ўзига хослиги, шунингдек уларнинг прокуратура органлари фаолиятига меритократия тамойилларини амалда жорий этилиши ва ходимларнинг юқори касбий мотивациясини шакллантиришдаги муҳим роли таъкидланди. Шунингдек, улар томонидан мазкур йўналишдаги ишларни такомиллаштириш ҳамда келгусида мазкур дастурий таъминотнинг амалиётда янада кенг қўлланилиши бўйича тавсиялар берилди.

Тадбирда иштирок этган Бош прокуратура ҳузуридаги жамоатчилик кенгаши раиси А.П.Каххаров ҳам узлуксиз таълим тизими ривожланишига инновацион ёндашувни ижобий тавсифлади ва келгусида таълим жараёни сифатини ошириш ҳамда натижаларини мониторинг қилиб бориш юзасидан ўз тавсияларини берди.