Бристоль университети билан ҳамкорлик

Инсон ҳуқуқлари бўйича Ўзбекистон Республикасининг Миллий стратегиясини амалга ошириш мақсадида Европа Хавфсизлик ва Ҳамкорлик Ташкилотининг Ўзбекистондаги лойиҳалар координатори кўмагида Бристоль университети профессори Рейчел Мюррей билан ҳамкорликда қийноқларни олдини олиш бўйича онлайн ўқув дастури ишлаб чиқиш бошланди.

Ушбу дастур халқаро стандартларни қўллаш, ноқонуний ёки мажбурий усуллар билан олинган далилларнинг номақбуллиги, жиноят қурбонлари ва гувоҳларни ҳимоя қилиш, қийноқларнинг олдини олиш жараёнида прокурорларнинг ўрни каби мавзуларда прокуратура органларининг билим ва кўникмалари ҳамда малакаларини ривожлантиришга қаратилган масалаларни қамраб олади.

Дастур  контентини тайёрлашга қаратилган ишчи гуруҳнинг биринчи йиғилишида, экспертлар дастурни тайёрлаш учун ҳар ойда консультациялар ўтказиб бориш юзасидан келишиб олдилар.